Շաբաթ, 15. 02. 2025

spot_img

Էրտողան Սպառնացած է Սուրիոյ Սահմանամերձ Շրջանները Մաքրել Քրտական Ջոկատներէն

«ԶԱՐԹՕՆՔ», ՊԷՅՐՈՒԹ – Թուրքիոյ  նախագահ Թայիփ Էրտողան յայտարարած է, որ Անգարան Թուրքիոյ սահմանակից Սուրիոյ հիւսիսային շրջանները պիտի մաքրէ քրտական խումբերէ եւ այնտեղ պիտի ստեղծէ անվտանգ գօտի:

«Սուրիոյ հիւսիսը մենք թոյլ պիտի չտանք ստեղծել հակաահաբեկչական միջանցք` ուղղուած մեր երկրին դէմ: Մենք պիտի ստեղծենք անվտանգ գօտի, եւ մեր սուրիացի եղբայրները պիտի վերադառնան տուն: Սկսած Մանպիճէն` մենք ահաբեկիչներէ (քրտական ինքնապաշտպանական ուժերէ) պիտի մաքրենք ամբողջ հարաւային սահմանը այնպէս, ինչպէս ատիկա ըրած էինք Աֆրինի մէջ»,- ըսած է Էրտողան Իսկենտերունի մէջ ունեցած ելոյթի ժամանակ , կը հաղորդէ News.am-ն` յղում կատարելով NTV հեռատեսիլային կայանին։

Էրտողան յայտարարած էր, որ Անգարան պատրաստ է գործողութիւններ սկսելու Եփրատի հարաւը, ինչպէս նաեւ Մանպիճի մէջ ընդդէմ սուրիական քիւրտերու ինքնապաշտպանական ուժերու, եթէ Միացեալ Նահագներ  դուրս չբերէ զայնք այնտեղէն: Աւելի ուշ ան յայտարարած էր, որ որոշած է յետաձգել Սուրիոյ մէջ ռազմական գործողութիւնները 2018 թուականի Դեկտեմբեր 4-ին ԱՄՆ-ի նախագահ Տանըլտ Թրամփի հետ հեռախօսազրոյցէն ետք, որու արդիւնքով Ամերիկայի նախագահը որոշած էր իր զօրքերը հեռացնել Սուրիայէն:

Աւելի առաջ Թրամփ յայտարարած էր, որ Սուրիոյ մէջ անհրաժեշտ է ստեղծել 30 քմ․ լայնութեամբ արգելակող գօտի Թուրքիոյ սահմանին կից տարածքին մէջ: Էրտողան համաձայնութիւն յայտնած էր այն պայմանով, որ գօտին վերահսկուի Թուրքիոյ կողմէ:

 

spot_img

ՆՄԱՆ ՆԻՒԹԵՐ

spot_img
spot_img

ՎԵՐՋԻՆ ՅԱՒԵԼՈՒՄՆԵՐ

spot_img

Ara D. Kassabian CPA, based in Glendale, California, provides a full range of tax preparation, accounting and bookkeeping services, either in your facility or at our location. Making it quick and easy to file your taxes.

spot_img

Զօրակցիր Զարթօնք Օրաթերթին