«ԶԱՐԹՕՆՔ», ՊԷՅՐՈՒԹ – Եթովպիոյ մէջ կործանուած է Ethiopian Airlines օդագնացական ընկերութեան Boeing-737 օդանաւը, որուն նաւակողին եղած է 157 հոգի։
«Գրանցումի ET-AVJ համարով Boeing 737-800 MAX օդանաւը թռած է տեղական ժամանակով ժամը 08:38-ին Ատիս Ապեպայի «Պոլէ» միջազգային օդակայանէն եւ կորսնցուցած կապը 08:44-ին»,- կ’ըսուի Ethiopian Airlines-ի մամլոյ հաղորդագրութեան մէջ։
Օդագնացական ընկերութիւնը կը մանրամասնէ, որ ողբերգութիւնը տեղի ունեցած է Տեպրէ Զեյթ քաղաքէն ոչ հեռու։
Ինչպէս կը հաղորդէ «Արմէնփրես»-ը՝ վկայակոչելով «ՌԻԱ նովոսթի»-ն, նախնական տուեալներով՝ նաւակողին գտնուած են 149 ուղեւորներ եւ անձնակազմի 8 անդամներ։ Կենդանի մնացածներուն կամ հաւանական զոհերու մասին տեղեկութիւններ չկան։ Այս գծով կ’աշխատին փրկարարները։
