Կիրակի, 09. 02. 2025

spot_img

Հարկահաւաքումի Բարելաւումը Պիտի Նպաստէ Պետական Պիւտճէի Պակասորդի Նուազումին. Հարիրի

«ԶԱՐԹՕՆՔ», ՊԷՅՐՈՒԹ –  7 Մարտին Լիբանանի Հանրապետութեան վարչապետ Սաատ Հարիրի տեղի ունեցած օրէնսդրական նիստէն ետք նշեց, որ պետական պիւտճէի պակասորդ-ՀՆԱ (Համախառն ներքին արդիւնք, անգլ.՝ GDP) յարաբերակցութեան առնուազն մէկ տոկոսով նուազումը պայմանաւորուած է հարկահաւաքումի համակարգի բարելաւումով:
«Խնայողութիւնը պիտի կայանայ անհարկի ծրագիրներու կասեցումով: Միաժամանակ հրամայական է աւելի բարձր հարկերու հաւաքումը, ինչը, կը հաւատամ, շրջադարձային նշանակութիւն պիտի ունենայ պետական պակասորդը տարեկան 1 տոկոսով նուազեցնելու տեսակէտէն»,- «The Daily Star» գործակալութեան ըսաւ Հանրապետութեան վարչապետը:
Հարիրի աւելցուց, որ պետական հարկային եկամուտը պէտք է ներկայացնէ ՀՆԱ-ի 23 – 25 տոկոսը: «Եթէ կարենանք ընդամէնը 20 տոկոսի բարձրացնել, մենք կը յաջողինք այդ բացը փակել 1 տոկոսով եւ աւելիով:
«Կը կարծեմ՝ պէտք է լուրջ ու նպատակասլաց որոշումներ կայացուին: Ի դէպ, ես անձնապէս կը հաւատամ, որ եթէ առկայ է քաղաքական կամքը, ապա նաեւ առկայ է խնդիրները լուծելու ուղին»,- եզրափակեց Հարիրի:

spot_img

ՆՄԱՆ ՆԻՒԹԵՐ

spot_img
spot_img

ՎԵՐՋԻՆ ՅԱՒԵԼՈՒՄՆԵՐ

spot_img

Ara D. Kassabian CPA, based in Glendale, California, provides a full range of tax preparation, accounting and bookkeeping services, either in your facility or at our location. Making it quick and easy to file your taxes.

spot_img

Զօրակցիր Զարթօնք Օրաթերթին