Շաբաթ, 15. 02. 2025

spot_img

Կլենտէյլ քաղաքի Salem Luther School. «Ըսէ ինծի ո՞ր դպրոցը յաճախած ես, կ՚ըսեմ քեզի, թէ ով ես դուն»:

ԽԱՉԻԿ ՃԱՆՈՅԵԱՆ

ՆՈՐ ՕՐ, ԼՈՍ ԱՆՃԵԼԸՍ.- Կլենտէյլ քաղաքի մէջ 70 տարիէ ի վեր կը գործէ Լուտերական Եկեղեցւոյ պատկանող Սէյլըմ դպրոցը (Salem School):

Վարժարանը ունի նախամանկապարտէզէն մինչեւ միջնակարգ դասարաններ (Pre K – 8th Grade), 4-14 տարեկաններու համար:

Լուտերական եկեղեցւոյ պատկանող այս դպրոցը, քրիստոնէական հաւատքի վրայ հիմնուած բարոյական շատ բարձր մակարդակով կը գործէ, աշակերտութեան բարձրագոյն ուսում տալով եւ գործածելով ուսումնական ամէնէն արդիական մեթոտներ: Դպրոցը ունի կրօնական պաշտամունքի եկեղեցի մը, ուր շաբաթը անգամ մը բոլոր աշակերտներու մասնակցութեամբ հոգեւոր պահ մը կ՚անցընեն:

Դպրոցը արժանացած է Կլենտէյլ քաղաքի, Լոս Անճելըսի գաւառի եւ Քալիֆորնիոյ նահանգի, ինչպէս նաեւ բազմաթիւ հոգեւոր եւ աշխարհիկ միութիւններու մեծարանքին եւ շքանշաններուն:

Սէյլըմ Լուտերական դպրոցը ծանօթ է իր փոքր թիւով աշակերտներ ունեցող դասարաններով, ուր ուսուցիչ-ուսուցչուհիները աւելի ուշադրութիւն կը դարձնեն եւ ժամանակ կը տրամադրեն աշակերտութեան ուսման վրայ: Բոլոր ուսուցիչ-ուսուցչուհիները իրենց հետ ունին մնայուն օգնական մը դասարանէն ներս:

Այդ դպրոցը ունի ուսուցչական հոյակապ կազմ մը. բոլորն ալ բարձրագոյն վկայականներու տէր անձեր են եւ որակաւորում (Credential) ունեցող հրաշալի ուսուցիչ-ուսուցչուհիներ են:

Դպրոցի աշակերտներուն 20-25 առ հարիւրը ծագումով հայ փոքրիկներ են, որոնք մեծագոյն հաճոյքով դպրոց կու գան եւ դպրոցը աւարտելէ ետք, կ՚ընդունուին նահանգի ամէնէն բարձր դպրոցները եւ համալսարանները:

Դպրոցին արձանագրութիւնները կը սկսին Մարտ 1-էն: Անոնք որոնք կը փափաքին իրենց զաւակները արձանագրել, փոքր թիւով աշակերտներ ընդունելու առիթ կայ:

Արձանագրութեան ատեն կարելի է յիշել, թէ այս գրութիւնը կարդացած էք եւ դուք պիտի արժանանաք 100 տոլար զեղչի արձանագրութեան գումարէն

Դպրոցին հասցէն է՝

1211 N. Brand Blvd.

Glendale, CA 91202

Tel. 818-243-8264

 

spot_img

ՆՄԱՆ ՆԻՒԹԵՐ

spot_img
spot_img

ՎԵՐՋԻՆ ՅԱՒԵԼՈՒՄՆԵՐ

spot_img

Ara D. Kassabian CPA, based in Glendale, California, provides a full range of tax preparation, accounting and bookkeeping services, either in your facility or at our location. Making it quick and easy to file your taxes.

spot_img

Զօրակցիր Զարթօնք Օրաթերթին