«ԶԱՐԹՕՆՔ», ՊԷՅՐՈՒԹ – Մարոնի համայնքի պատրիարք Պշարա Ռաաի բացառեց Լիբանանի մէջ քաղաքացիական ամուսնութեան թոյլտուութեան հաւանականութիւնը:
«Ես մարոնի եմ, եւ բոլոր մարոնիներուն կը յիշեցնեմ, որ ամուսնութիւնը եկեղեցւոյ եօթը խորհուրդներէն մէկն է, որուն պէտք է հաւատարիմ մնան»,- նշեց պատրիարք Ռաաի նախագահ Աունի հետ հանդիպումէն ետք:
Նշենք, որ մեծ թիւով քաղաքական գործիչներ վերջերս թեր ու դէմ կարծիքներով հանդէս եկան այս հարցին շուրջ, երբ ներքին գործոց նախարար Ռայա Ալ Հասան դրական արտայայտուեցաւ քաղաքացիական ամուսնութիւնը թոյլատրելու մասին: