«ԶԱՐԹՕՆՔ», ՊԷՅՐՈՒԹ – Լիբանանեան ուժեր կուսակցութեան առաջնորդ Սամիր Ժաաժաա մերժեց Հանրապետութեան վարչապետ Սաատ Հարիրիի գլխաւորած նորակազմ կառավարութիւնը որպէս Հզպալլա կուսակցութեանը ներկայացնելու միտուած փորձերը:
Քուէյթի «Ալրայ» թերթին հետ հարցազրոյցի ժամանակ Հարիրիի դաշնակից Ժաաժաա անդրադարձաւ այն խումբ մը անձանց, որ հիմնովին ոչինչ ունին ընելիք եւ կը շարունակեն չափազանցել Հզպալլայի ուժն ու ազդեցութիւնը նորակազմ կառավարութեան մէջ՝ տեւաբար դժգոհութիւն յայտնելով եւ երեւոյթներն ու իրադարձութիւնը չկարենալով տեսնել իրենց իսկութեան մէջ: