«Զարթօնք», Պէյրութ – Սոչիի մէջ աւարտած է ՌԴ, Իրանի եւ Թուրքիոյ նախագահներուն մասնակցութեամբ Սուրիոյ հարցով եռակողմ գագաթնաժողովը:
Այս մասին, ինչպէս կը հաղորդէ «Արմէնփրես»-ը, կը յայտնէ «Ռիա նովոսթի»-ն:
Գագաթնաժողովին Վլատիմիր Փութինը, Հասան Ռոհանի եւ Ռեճեփ Թայիփ Էրտողան քննարկած են Սուրիոյ մէջ կայուն խաղաղութիւն հաստատելու հետ կապուած եւ շարք մը այլ հարցեր:
Գագաթնաժողովը տեղի ունեցած է Ասթանայի գործընթացի ծիրէն ներս:
Գագաթնաժողովէն ետք հրապարակուած փաստաթուղթին համաձայն` նախագահները միակարծիք դիրքորոշում յայտնած են Սուրիոյ տարածքային ամբողջականութեան, ինքնիշխանութեան ապահովման, ահաբեկչութեան դէմ պայքարի շարունակական իրականացման, սուրիական հարցի քաղաքական լուծման առնչութեամբ:
