Շաբաթ, 20. 07. 2024

spot_img

Հայաստանը Եւ Լաթվիան Կրնան Իրարու Օգնել Եւ Իրարմէ Սորվիլ. Նախագահ Սարգսեան Հանդիպած Է Լաթվիոյ Նախագահին Հետ

«Զարթօնք», Պէյրութ – Աշխատանքային այցով Գերմանիոյ Դաշնային Հանրապետութիւն գտնուող՝ Հայաստանի Հանրապետութեան նախագահ Արմէն Սարգսեան հանդիպած է Լաթվիոյ Հանրապետութեան նախագահ Ռայմոնտս Վեյոնիսի հետ։

Ինչպէս կը հաղորդէ «Արմէնփրես»-ը, ՀՀ նախագահի աշխատակազմի հասարակայնութեան հետ կապերու վարչութենէն կը տեղեկացնեն, որ նախագահ Սարգսեան բարձր գնահատած է երկու երկիրներու աւանդական բարեկամական յարաբերութիւնները՝ ընդգծելով, որ կայ գործակցութիւնը խորացնելու մեծ ներուժ։ Հայաստան-Լաթվիա գործակցութիւնը յատկապէս կարեւորուած է Հայաստան-Եւրամիութիւն յարաբերութիւններու լոյսին տակ. նախագահ Սարգսեան առաջնային դիտարկած է ԵՄ անդամներուն կողմէ Եւրամիութեան հետ համապարփակ եւ ընդլայնուած գործընկերութեան համաձայնագիրի վաւերացումը։

Նախագահ Սարգսեան որոշ ոլորտներու բարեփոխումներու լաթվիական փորձը օգտակար եւ ուսանելի համարած է Հայաստանի համար: Իր հերթին նախագահ Վեյոնիս ըսած է, որ պատրաստ են իրենց գիտելիքներն ու փորձառութիւնը բաժնեկցելու հայ գործընկերներու հետ։

Նշելով, որ երկու երկիրները կրնան յաջողութեամբ գործակցիլ կրթութեան, գիտութեան, բարձր արհեստագիտութիւններու եւ հեռահաղորդակցութեան ոլորտներուն մէջ՝ նախագահ Սարգսեան ըսած է. «Մենք կարող ենք միմեանց օգնել եւ միմեանցից սովորել»։ 

Յիշեցնենք, որ ՀՀանրապետութեան նախագահ Արմէն Սարգսեան նախորդ օր աշխատանքային այցով ժամանած էր Գերմանիոյ Դաշնային Հանրապետութիւն։ 

Նախագահի այցին առաջին կանգառը Հայտելպերկ էր, ուր ան հանդիպած է քաղաքապետ, փրոֆէսոր Էքարթ Վիւրցների հետ։ Զրոյցի ժամանակ կողմերը խօսած են գիտական ոլորտին մէջ գործակցութեան մեծ ներուժին մասին։ Վիւրցները նշած է, որ Հայտելպերկը Գերմանիոյ ամենաարագ աճող քաղաքներէն է։ Ան ընդգծած է, որ քաղաքը մեծ ներուժ ունի գիտութեան, մասնաւորապէս բժշկութեան բնագաւառին մէջ։ «Յոյսով ենք, որ ապագային կրնանք գործակցիլ այս եւ այլ ոլորտներու մէջ»,- ըսած է փրոֆէսոր Վիւրցները։

spot_img

ՆՄԱՆ ՆԻՒԹԵՐ

spot_img
spot_img

ՎԵՐՋԻՆ ՅԱՒԵԼՈՒՄՆԵՐ

spot_img

Զօրակցիր Զարթօնք Օրաթերթին