«Զարթօնք», Պէյրութ – Փարիզի մեթրոյին մէջ ծծմբաթթուի կիրարկումով յարձակումի հետեւանքով ծանրօրէն վիրաւորուած է անձ մը: Այդ մասին, ինչպէս կը հաղորդէ «Արմէնփրես»-ը, Փետրուար 15-ին յայտնած է «France Info» գործակալութիւնը: Հրատարակութեան տեղեկութեան համաձայն՝ միջադէպը տեղի ունեցած է տեղական ժամանակով առաւօտեան մօտաւորապէս ժամը 8-ին Ֆրանսայի մայրաքաղաքի մեթրոյի առաջին ուղեգիծին վրայ: Յարձակողը փախած է պատահարի վայրէն: Կը նշուի, որ տուժածի կեանքը սպառնալիքի տակ է: Ան դէմքի ու ձեռքերու ծանր այրուածքներ ստացած է: Տեղի ունեցածի մանրամասնութիւններն ու հանգամանքները կը ճշդուին, հաղորդած է «ՌԻԱ նովոսթի»-ն:
Ծծմբաթթուի Կիրարկումով Յարձակում Տեղի Ունեցած Է Փարիզի Մեթրոյին Մէջ. «France Info»
