«ԶԱՐԹՕՆՔ», ՊԷՅՐՈՒԹ – Սէուտական Արաբիոյ պատուիրակ Նիզար Ալ Ալուլա Հանրապետութեան նախագահ Միշէլ Աունի հետ հանդիպումին Սէուտական Արաբիոյ թագաւոր Սալմանի եւ գահաժառանգ իշխան Մուհամմատ Պըն Սալմանի անունով ջերմօրէն շնորհաւորեց կառավարութեան կազմաւորման առթիւ ու հաստատեց Թագաւորութեան զօրակցութիւնը Լիբանանին: Այս մասին կը տեղեկանանք Լիբանանի նախագահական գրասենեակի հրապարակած յայտարարութենէն:
«Թագաւորութեան պատուիրակութիւնը մասնաւորաբար շեշտեց, որ Սէուտական Արաբիան միշտ զօրավիգ կանգնած է Լիբանանին եւ պիտի շարունակէ ամէն գնով Հանրապետութեան օգնել բոլոր մակարդակներուն վրայ՝ երկկողմ յարաբերութիւնները ամրապնդելու ու զարգացնելու նպատակով»,- ըսուած է նախագահական յայտարարութեան մէջ:
Սէուտական Արաբիոյ Պատուիրակը Կը Հաստատէ Թագաւորութեան Զօրակցութիւնը Լիբանանին
