Երեքշաբթի, 12 փետրուար 2019-ին, Ազգային Առաջնորդարանին մէջ Լիբանանի Հայոց Թեմի առաջնորդ Գերշ․ Տ․ Նարեկ Արքեպիսկոպոս ընդունեց Պէյրութի նահանգապետ Տիար Զիատ Շպիպը: Հանդիպման ներկայ գտնուեցան երեսփոխան Յակոբ Թերզեան եւ Ազգային Վարչութեան անդամներ։
Հանդիպումը առիթ հանդիսացաւ հաւաքաբար քննելու Լիբանանը եւ լիբանանահայութիւնը յուզող շարք մը հարցեր: Այս առիթով, Զիատ Շպիպ իր շնորհաւորութիւնները փոխանցեց Նարեկ Արքեպիսկոպոսին առաջնորդ ընտրուելուն առիթով, եւ Սրբազան Հօր մաղթեց պտղալից սպասաւորութիւն եւ նորանոր յաջողութիւններ։
