«ԶԱՐԹՕՆՔ», ՊԷՅՐՈՒԹ – Թրքական ծայրայեղ ազգայնական «Մեծ միասնութիւն» կուսակցութեան (BBP) առաջնորդ Մուսթաֆա Տեսթիճին բացայայտ ֆաշիստական պահուածք դրսեւորած է՝ առաջարկելով «արտաքսել Թուրքիոյ մէջ ոչ օրինական աշխատող հայերը»:
Այս մասին, ինչպէս կը հաղորդէ «Արմէնփրես»-ը, կը յայտնէ թրքական mynet.com-ը:
Տեսթիճիի նման յայտարարութեան համար պատճառ հանդիսացած է Ֆրանսայի նախագահ Էմանուել Մաքրոնի` Ապրիլ 24-ը Ֆրանսայի մէջ Հայոց ցեղասպանութեան յիշատակի ազգային օր հռչակելու մասին յայտարարութիւնը:
Տեսթիճին անդրադարձած է նաեւ Ֆրանսային եւ մեղադրած ցեղասպանութիւններ գործելու մէջ:
