«ԶԱՐԹՕՆՔ», ՊԷՅՐՈՒԹ – Լիբանանի Հանրապետութեան նախագահ Միշէլ Աուն հանդիպում ունեցաւ Իտալիոյ Հանրապետութեան վարչապետ Ճուզեփփէ Քոնթէի հետ, ուր, խօսքը ուղղելով եւրոպական երկիրներուն, խնդրեց հասկացողութիւն ցուցաբերել սուրիացի գաղթականներու ճգնաժամին գծով Լիբանանի դրսեւորած դիրքորոշումին նկատմամբ:
Հանդիպումին Աուն համոզում յայտնեց, որ երկրի տնտեսութեան ճգնաժամին տուն տուող պատճառները բազմապիսի են, որոնց կարգին՝ սուրիացի գաղթականներու ներհոսքը Լիբանան՝ վստահեցնելով, որ նորակազմ կառավարութիւնը անտարակոյս հետամուտ պիտի ըլլայ լուծելու այս հիմնախնդիրը:
Բացի այդ՝ նախագահը Քոնթէին եւ իր պատուիրակութեան շեշտեց երկկողմ յարաբերութիւնները խթանելու անհրաժեշտութիւնը՝ գնահատելով երկու երկիրներուն միջեւ առկայ գործակցութիւնը բոլոր մակարդակներուն վրայ:
Աուն Կը Խնդրէ Եւրոպական Երկիրներէն Հասկնալ Լիբանանի Դիրքորոշումը Սուրիացի Գաղթականներու Ճգնաժամին Գծով
