«ԶԱՐԹՕՆՔ», ՊԷՅՐՈՒԹ –Լիբանան փայլուն օրինակներէն է Միջին Արեւելքի մէջ գոյակցութեան, համաչափութեան եւ հանդուրժողականութեան: Այս մասին հեռաձայնային հաղորդակցութեան ժամանակ Եգիպտոսի շէյխ Ահմատ Ալ Թայեպին յայտնեց Լիբանանի Հանրապետութեան վարչապետ Սաատ Հարիրի:
Հեռաձայնային զրոյցին վարչապետ Հարիրի աւելցուց, թէ ինք յոյսով է, որ կրօնական հանդուրժողականութեան արժէքները պիտի գերիշխեն ապագային տարածաշրջանին մէջ:
Հարիրի գնահատեց նաեւ իսլամ առաջնորդի՝ Արաբական Միացեալ Էմիրութիւններու մէջ «Մարդկային եղբայրութիւն» թեմայով համաշխարհային համաժողովին տուած ճառը, ուր Թայեպ քրիստոնեաներուն յիշեցուցած է արաբական աշխարհին մէջ ունեցած իրենց նկատառելի դերակատարութիւնը՝ խնդրելով, որ իրենք զիրենք երբեք փոքրամասնութիւն չհամարեն:
Լիբանան Փայլուն Օրինակ Մըն Է Գոյակցութեան. Հարիրի
