«ԶԱՐԹՕՆՔ», ՊԷՅՐՈՒԹ –Փետրուար 6-ի լոյս գիշերը Ազրպէյճանի հիւսիսը տեղի ունեցած է 6 բալ ուժգնութեամբ երկրաշարժ:
Այս մասին, ինչպէս կը հաղորդէ «Արմէնփրես»-ը, կը յայտնեն ազրպէյճանական լրատուամիջոցները:
Ազրպէյճանի ԳԱԱ երկրաշարժագիտական ծառայութեան հանրապետական կեդրոնի հաղորդմամբ՝ 6 բալ ուժգնութեամբ հիմնական երկրաշարժին յաջորդած է եւս 3 երկրաշարժ:
Երեք երկրաշարժերն ալ տեղի ունեցած են Ազրպէյճանի հիւսիսը` Փիրկուլու կայարանէն արեւմուտք եւ հարաւ-արեւմուտք ուղղութեամբ: Երկրաշարժերու ուժգնութիւնը եղած է 3.4, 3.0, 3.9 աստիճան:
Ազրպէյճանի հիւսիսը տեղի ունեցած 6 աստիճան ուժգնութեամբ երկրաշարժին հետեւանքով տուժած է 30 հոգի, սակայն, բարեբախտաբար, մահ չկայ:
Երկրաշարժերը տեղի ունեցած են Ազրպէյճանի Շամախի, Իսմայիլի եւ Ակսուի շրջանները:
