«ԶԱՐԹՕՆՔ», ՊԷՅՐՈՒԹ – Հըզպալլայի առաջնորդ Հասան Նասրալլա երէկ կոչ ուղղեց Լիբանանի բոլոր քաղաքական կողմերուն, որ խաղաղ մթնոլորտ ստեղծեն եւ «շունչ մը առնեն»՝ նոր կառավարութիւնը կազմաւորելու նպատակով տեղի ունեցած շուրջ 9-ամսեայ բանակցութիւններէն ետք:
«Կան տնտեսական եւ ելեւմտական շարք մը խնդիրներ, ինչպէս նաեւ այլ առաջնային հարցեր, զորս լուծելու համար անյապաղ քայլերու պիտի ձեռնարկէ նորակազմ կառավարութիւնը»,- ըսաւ Նասրալլա հեռարձակուող ուղերձի ժամանակ:
«Եթէ մենք փորձենք հակաճառութիւններու մէջ մտնել, ապա, վստահօրէն կ’ըսեմ, ստեղծուած մթնոլորտը բնաւ նպաստաւոր պիտի չըլլայ կառավարութեան համար»,- աւելցուց ան:
Նասրալլա Կոչ Կ’ընէ Խաղաղ Մթնոլորտ Ստեղծելու Կառավարութեան Կազմաւորումէն Ետք
