«ԶԱՐԹՕՆՔ», ՊԷՅՐՈՒԹ –Լիբանանեան-լիպիական յարաբերութիւնները պիտի չկարգաւորուին, մինչեւ որ իմամ Մուսա Սատըրի եւ վերջինիս երկու ուղեկիցներուն անհետացումին հետ կապուած մանրամասնութիւնները չբացայայտուին: Այս մասին արտաքին գործոց նախարար Ժպրան Պասիլ յայտնեց Լիպիոյ գործընկերոջը:
Ինչպէս կը հաղորդէ ազգային լրատուական գործակալութիւնը, Պասիլ եւ Լիպիոյ արտաքին գործոց նախարար Մուհամմատ Սիալա հանդիպում ունեցան Պրիւքսելի մէջ ԵՄ-ԱՊԼ գագաթնաժողովի ծիրէն ներս: Կողմերը համաձայնեցան հետեւիլ Լիպիոյ Հանրապետութեան՝ միջազգային գետնի վրայ ճանաչում ստացած կառավարութեան ջանքերուն՝ ուղղուած Սատըրի անհետացումի հետաքննութեան:
Լիպիոյ Հետ Յարաբերութիւնները Պիտի Չկարգաւորուին, Մինչեւ Որ Լրջօրէն Չհետաքննուի Սատըրի Անհետացումը
