«ԶԱՐԹՕՆՔ», ՊԷՅՐՈՒԹ –Իտալիոյ կառավարութիւնը երէկ ստորագրեց համաձայնագիր մը՝ 1 մլն եուրօ տրամադրելու Լիբանանի մէջ ջուրի, առողջապահութեան եւ առողջաբանական ծրագիրին՝ UNICEF-ին:
Լիբանանի Հանրապետութեան մէջ Իտալիոյ Հանրապետութեան դեսպան Մասսիմօ Մարոթթի վերոյիշեալ համաձայնագիրին հետ կապուած յայտարարութիւնը կատարեց Լիբանանի մէջ UNICEF-ի ներկայացուցիչ Թանիա Չաբուիսաթի հետ հանդիպումէն ետք:
Գործակալութեան WASH ծրագիրը կը միտի բարելաւել խմելիք ջուրի հասանելիութիւնը երեխաներուն համար եւ հնարաւորինս խթանել առողջաբանութիւնը ոչ բարեկեցիկ համայնքներուն մէջ:
Իտալիա 1 Մլն Եուրօ Կը Տրամադրէ՝ Լիբանանի Մէջ Ջուրի Հասանելիութիւնը Բարելաւելու Համար
