Արտաքին գործերի նախարար Զոհրաբ Մնացականյանը մեկնաբանել է Լեռնային Ղարաբաղի հակամարտության կողմերի վերաբերյալ ՀՀ վարչապետ Նիկոլ Փաշինյանի արած հայտարարությունը: «Արմենպրես»-ի փոխանցմամբ` վարչապետն իր խոսքում նշել էր, որ իր կարծիքով` ԵԱՀԿ Մինսկի խմբի համանախագահող երկրները, նաև միջազգային հանրությունը հստակ արձանագրել են, որ լուծման խնդիրը հենց հակամարտության մեջ ներգրավված երեք կողմերի օրակարգի հարցն է:
«Հայաստանը բանակցություններում ունի իր մասը: Հայաստանը բանակցող կողմ է: Հայաստանը Ղարաբաղի անվտանգության երաշխավորն է: Այս առումով կա երեք կողմ: Հայաստանը շարունակելու է այդ ամենը անել»,- ասաց նախարարը:
Փետրվարի 1-ին ՀՀ վարչապետ Նիկոլ Փաշինյանը Գերմանիայի կանցլեր Անգելա Մերկելի հետ համատեղ մամուլի ասուլիսի ժամանակ հայտարարել էր.
«Կարծում եմ՝ համանախագահող երկրները (ԵԱՀԿ Մինսկի խմբի), նաև միջազգայինհանրությունը հստակ արձանագրել են, որ լուծման խնդիրը հենց հակամարտությանմեջ ներգրավված երեք կողմերի օրակարգի հարցն է, և միջազգային հանրությունը չիկարող հակամարտության երեք կողմերի փոխարեն լուծել հակամարտությունը, ընդամենը կարող է որոշակի հարթակ ստեղծել բանակցության համար: Ես կարծումեմ, որ ԵԱՀԿ Մինսկի խմբի համանախագահությունը հաջողել է այդ հարթակըստեղծելու առումով»
