«ԶԱՐԹՕՆՔ», ՊԷՅՐՈՒԹ – Նորակազմ կառավարութեան առաջնահերթութիւնը պէտք է ըլլայ պետական պիւտճէն: Այս մասին երէկ յայտնեց խորհրդարանի Ելեւմուտի եւ պիւտճէի յանձնախումբի նախագահ Իպրահիմ Քանաան «Լիբանանի ձայնը» տեղական ձայնասփիւռի կայանին տուած հարցազրոյցին մէջ:
«Նորակազմ կառավարութեան առաջնային խնդիրը պէտք է ըլլայ պիւտճէն՝ ի հաշիւ բարեփոխումներու եւ պակասորդի կանխումին»,- ըսաւ Քանաան:
Նշենք, որ 1 Փետրուարին Լիբանանի ղեկավարութիւնը ստորագրեց հրամանագիր մը, ինչը թոյլ կու տայ շարունակելու պետական կառոյցներուն ֆինանսաւորումը պետական պիւտճէի բացակայութեան պարագային:
Ազգային ազատ հոսանք շարժումի անդամ Քանաան մասնաւորաբար շեշտեց, որ կարելի չէ նշել կառավարութեան կազմաւորումը, մինչեւ որ նկատառելի յառաջընթաց մը չարձանագրուի եւ կաշառակերութիւնը չսանձուի:
Պիւտճէն Պէտք Է Ըլլայ Նորակազմ Կառավարութեան Առաջնահերթութիւնը. Քանաան
