«ԶԱՐԹՕՆՔ», ՊԷՅՐՈՒԹ –Ֆրանսայի Հանրապետութեան նախագահ Էմանուէլ Մաքրոն ողջունեց Լիբանանի Հանրապետութեան նոր կառավարութեան այնքան սպասուած կազմաւորումը՝ վերահաստատելով Ֆրանսայի զօրակցութեան անխափան շարունակականութիւնը Լիբանանին:
«Նախագահ Էմանուէլ Մաքրոն վերահաստատեց Լիբանանի ինքնիշխանութեան, կայունութեան եւ անվտանգութեան իր յանձնառութիւնը՝ ընդգծելով համամասնական քաղաքականութեան եւ ահաբեկչութեան դէմ պայքարի կարեւորութիւնը»,- ըսուած է Ֆրանսայի նախագահական պալատի հրապարակած յայտարարութեան մէջ:
«Անցնող մի քանի ամիսներուն Ֆրանսան միշտ կանգնած է Լիբանանի ժողովուրդի եւ պաշտօնատարներու կողքին՝ գործընկերութեան եւ բարեկամութեան ոգիով խթանելու եւ յառաջ մղելու կառավարութեան կազմաւորումի գործընթացը»,- կը նշուի յայտարարութեան մէջ: Աւելին, այդտեղ մասնաւորաբար կ’ընդգծուի, որ Ֆրանսայի Հանրապետութիւնը հետամուտ է հետեւելու Լիբանանի՝ Սիտըր խորհրդաժողովին հետ կապուած տնտեսական եւ ընկերային բարեփոխումներ իրականացնելու գործընթացին:
Մաքրոն Կ’ողջունէ Լիբանանի Նոր Կառավարութեան Կազմաւորումը
