«ԶԱՐԹՕՆՔ», ՊԷՅՐՈՒԹ – Ամերիկայի Միացեալ Նահանգները երէկ ողջունեց Լիբանանի նորակազմ կառավարութեան կազմաւորումը, բայց միաժամանակ զգուշացուց, թէ ինք մտահոգ է Հըզպալլայի՝ վարչապետ Սաատ Հարիրիի կառավարութեան մէջ ունենալիք դերակատարութեամբ:
ԱՄՆ պետական գերատեսչութեան հրապարակած յայտարարութեան մէջ մտահոգութիւն կը յայտնուի, թէ Հըզպալլան, որ ԱՄՆ կը համարէ ահաբեկչական խմբաւորում, ընդգրկուած է նորակազմ կառավարութեան մէջ եւ ստանձնած է առողջապահութեան նախարարութիւնը:
«Մենք կոչ կ’ուղղենք նոր կառավարութեան, որ սոյն նախարարութեանց ծառայութիւնները որեւէ կերպ աջակցութիւն չցուցաբերեն Հըզպալլային»,- ըսուած է մամլոյ փոխխօսնակ Ռոպերթ Փալլատինոյի յայտարարութեան մէջ:
ԱՄՆ Կը Շնորհաւորէ Լիբանանը, Բայց Մտահոգութիւն Կը Յայտնէ Հըզպալլայի Խնդրով
