«ԶԱՐԹՕՆՔ», ՊԷՅՐՈՒԹ – Հայաստանի Հանրապետութեան նախագահ Արմէն Սարգսեան, Հանրապետութեան բարձրագոյն ղեկավարութիւնն ու հոգեւոր առաջնորդ Ն.Ս.Օ.Տ.Տ. Ծայրագոյն Պատրիարք եւ Ամենայն Հայոց Կաթողիկոս Գարեգին Երկրորդը բանակի օրուան առթիւ այցելած են «Եռաբլուր» զինուորական պանթէոն:
Այս մասին տեղեկացուցին Հայաստանի Հանրապետութեան նախագահի աշխատակազմէն: «Հանրապետութեան նախագահ Արմէն Սարգսեան Ն.Ս.Օ.Տ.Տ. Գարեգին Երկրորդ Ծայրագոյն Պատրիարք եւ Ամենայն Հայոց Կաթողիկոսի, վարչապետ Նիկոլ Փաշինեանի, Արցախի Հանրապետութեան նախագահ Բակօ Սահակեանի, Ազգային ժողովի նախագահ Արարատ Միրզոյեանի եւ Ազգային անվտանգութեան խորհուրդի անդամներուն հետ պաշտպանութեան նախարարութեան եւ զինուած ուժերու ղեկավար կազմի ուղեկցութեամբ այսօր այցելած է «Եռաբլուր» զինուորական պանթէոն` յարգանքի տուրք մատուցելու իրենց կեանքը հայրենիքի անկախութեան համար զոհաբերած հայորդիներու յիշատակին»,- ըսուած է հաղորդագրութեան մէջ:
