«ԶԱՐԹՕՆՔ», ՊԷՅՐՈՒԹ – Նախագահ Միշէլ Աուն երէկ գնահատեց Լիբանանի եւ Միացեալ ազգերու կազմակերպութեան միջեւ գործակցութիւնը Լիբանանի մէջ ՄԱԿ-ի յատուկ համակարգող Փերնիլ Տահլեր Քարտելի հետ տեղի ունեցած հրաժեշտի հանդիպումին:
Աուն ընդգծեց երկկողմ գործակցութեան կարեւորութիւնը՝ կապուած Իսրայէլի հետ հարաւային սահմանին ապահովութեան եւ կայունութեան՝ մասնաւորաբար յոյս յայտնելով, որ այս գործակցութիւնը պիտի ըլլայ շարունակական:
Հանդիպումէն ետք Քարտել, իր հերթին, հրապարակեց յայտարարութիւն մը, ուր շնորհակալութիւն յայտնեց նախագահ Միշէլ Աունին՝ ՄԱԿ-ի հետ գործընկերութիւնը յառաջ մղելու նպատակով ներդրած հսկայական ջանքերուն եւ այս գծով ունեցած նկատառելի դերակատարութեան համար:
Աուն Եւ Քարտել Յոյս Կը Յայտնեն Նոյն Թափով Շարունակելու Գործակցութիւնը
