Շաբաթ, 20. 07. 2024

spot_img

«Թէքէեան Կեդրոն» Հիմնադրամը Կ’իրականացնէ «Անվճար Դասագիրքեր Կարիքաւոր Երեխաներու Համար» Ամէնամեայ Ծրագիրը

«Թէքէեան կեդրոն» հիմնադրամը խիստ կը կարեւորէ կրթութիւնը որպէս անհատի զարգացման եւ յաջողութեան հիմնական գրաւական եւ զայն կը համարէ իւրաքանչիւր քաղաքակիրթ երկրի առաջնային ոլորտներէն: Սակայն, ցաւօք, նիւթական խնդիրներու պատճառով շատ երեխաներ զրկուած են նուազագոյն կրթական ծրագիրէն: 2010ին սկսած բարերարներու շնորհիւ «Թէքէեան կեդրոն» հիմնադրամը կ’իրականացնէ «Անվճար դասագիրքեր կարիքաւոր երեխաներու համար» ամէնամեայ ծրագիրը եւ կ’օժանդակէ աւելի անապահով երեխաներուն ստանալ անվճար դասագիրքեր:

 

Ծրագիրը կ’իրականացուի նուիրատուութիւններու շնորհիւ, որոնք մասնաւորապէս կ’ապահովուին Լոնտոնի Թէքէեան խնամակալ մարմինի կողմէ Մեծն Բրիտանիոյ եւ այլ երկիրներու մէջ կազմակերպուած դրամահաւաքներու միջոցով:

2018-2019 ուսումնական տարուան համար «Թէքէեան կեդրոն» հիմնադրամը 2,060 անվճար դասագիրք տրամադրած է 182 անապահով աշակերտի՝ Երեւանէն, Կիւմրիէն, Ստեփանաւանէն, Քարբի գիւղէն եւ Բերձորէն՝ անով իսկ մեղմելով ընտանիքներու նիւթական հոգերը: Իսկ ծրագիրի իրականացման ինը տարիներուն ընթացքին ընդհանուր առմամբ հիմնադրամը տրամադրած է աւելի քան 21,000 դասագիրք 11,015,000 ՀՀ դրամ արժողութեամբ:

 

Հիմնադրամը նպատակ ունի ընդլայնելու ծրագիրը, ուստի կը հայցէ եւ կ’ակնկալէ Հայաստանի եւ Սփիւռքի կազմակերպութիւններու եւ անհատներու տեւական գործակցութիւնն ու օժանդակութիւնը ընկերապէս անապահով ընտանիքներու երեխաներուն:

 

Նուիրատուութիւն կրնաք կատարել`

 

«Թէքէեան կեդրոն» հիմնադրամ

/ՀՀ, Երեւան 0025, Խանճեան 50/

Դրամատուն` «Ամերիապանք» ՓԲԸ

Դրամատնային հաշիւ` 15700 22679770200 (ՀՀ դրամ)

SWIFT / BIC: ARMIAM22

 

«Թէքէեան կեդրոն» հիմնադրամը կը յայտնէ իր խորին երախտագիտութիւնը բոլոր նուիրատուներուն հայ դպրոցի զարգացման եւ բարգաւաճման հայրենանուէր գործին աջակցելու համար:

 

spot_img

ՆՄԱՆ ՆԻՒԹԵՐ

spot_img
spot_img

ՎԵՐՋԻՆ ՅԱՒԵԼՈՒՄՆԵՐ

spot_img

Զօրակցիր Զարթօնք Օրաթերթին