«ԶԱՐԹՕՆՔ», ՊԷՅՐՈՒԹ – Թուրքիոյ նախագահ Ռեճեփ Թայիփ Էրտողան յայտարարած է, որ թրքական զինուած ուժերը կրնան օր մը անսպասելիօրէն յայտնուիլ սուրիական Մանպիժի մէջ: Այս մասին, ինչպէս կը հաղորդէ «Արմէնփրես»ը, կը յայտնեն թրքական լրատուամիջոցները:
«Գիշեր մը շատ անսպասելիօրէն կրնանք յայտնուիլ»,- յայտարարած է Թուրքիոյ նախագահը:
Էրտողան յայտնած է նաեւ, որ Մանպիժի հետ կապուած ծրագիրը արդէն քննարկուած եւ յստակեցուած է, եւ իրենք մօտ ապագային կրնան գործողութիւններու անցնիլ:
Նախորդ շաբաթ թրքական ԶՈՒն առաջին անգամ գնդակոծած է սուրիական Մանպիժի քրտական դիրքերը:
