Ազգային Առաջնորդարանի գերեզմանատուներու բարեզարդման աշխա-տանքներուն հետեւողականութիւնը, կազմակերպուածութիւնը, մնայուն նորոգու-թիւններն ու պիւտճէն ապահովելու նպատակադրումով, Ազգային Վարչութիւնը ճշդեց դամբարաններու եւ դարակներու բարեզարդման տարեկան խորհրդանշա-կան սակագին։
Հաւաքուած գումարը ե՛ւ պիտի ծառայէ գերեզմանատուներու ընդհանուր բարեզարդման ե՛ւ դամբարանի կամ դարակի հերթական մաքրութեան ու նորոգու-թեան։ Առ այդ, դամբարաններու բարեզարդման տարեկան սակագինն է 20 ամերիկեան տոլար, իսկ դարակներունը՝ 10 ամերիկեան տոլար։
Սոյն աշխատանքը ի գործ պիտի դրուի Երեքշաբթի, 1 Յունուար 2019-էն սկսեալ։ Տարեկան վճարումներու դրոյթին ծանօթանալու եւ յաւելեալ մանրա-մասնութիւններ ստանալու համար, մեր հայորդիները կրնան այցելել Ազգային Առաջնորդարան եւ կամ հեռաձայնել 01-258301 թիւին։
Մեր փափաքն է, որ մեր համայնքի զաւակները դրական մօտեցումով ընկալեն այս որոշումը, որուն էական նպատակն է մեր գերեզմանատուներու կարգավիճակին բարելաւումը եւ նորոգութեան ու մաքրութեան մնայուն եղանակի ճշդումը։
ԴԻՒԱՆ ԱԶԳԱՅԻՆ ԱՌԱՋՆՈՐԴԱՐԱՆԻ
