Ուրախութիւն էր մեզի իմանալ, որ Լիբանանի մէջ ՀՀ արտակարգ եւ լիազօր դեսպան Սամուէլ Մկրտիչեանի եւ իր ազնուափայլ տիկնոջ զաւակը՝ Երեւանի Պետական Համալսարանի բնագիտութեան բաժնէն վկայեալ Տիգրանը, Հայրենիքի մէջ հանդիսաւոր արարողութեան մը ընթացքին, պատուոյ յիշատակութեամբ արժանացած է Տեղեկատուական Արհեստագիտութեան (Information Technology) Հայաստանի Հանրապետութեան պետական կրթական մրցանակներու «Լաւագոյն Մագիստրոս» մրցանակը:
«Զարթօնք» միանալով Լիբանանի մէջ ՀՀ դեսպանութեան անձնակազմին մշտադալար ճանապարհ եւ նորանոր յաջողութիւններ կը մաղթէ Տիգրան Մկրտչեանին: Այս առիթով նաեւ ջերմագոյն շնորհաւորութիւններ եւ բարեմաղթութիւններ մրցանակակիրին արդարօրէն հպարտ ծնողքին՝ մեր սիրելի դեսպանին եւ իր տիկնոջ՝ Տէր եւ Տիկին Սամուէլ եւ Իզապելլա Մկրտչեաններուն ինչպէս նաեւ իրենց ընտանիքին բոլոր անդամներուն եւ հարազատներուն:
