«ԶԱՐԹՕՆՔ», ՊԷՅՐՈՒԹ –ՀՀ վարչապետ Նիկոլ Փաշինեան հրաժարական տուաւ իր պաշտօնէն:
«Արմէնփրես»-ի փոխանցմամբ` այս մասին վարչապետը յայտարարեց ուղիղ եթերի ընթացքին:
«Ինչպէս ես ասել էի, այսօր հրաժարական եմ տալիս Հայաստանի Հանրապետութեան վարչապետի պաշտօնից»,- նշեց Փաշինեան:
ՀՀ վարչապետ Նիկոլ Փաշինեան իր հրաժարականի մասին յայտնած էր «Ֆրանս 24» հեռուստաընկերութեան հետ հարցազրոյցի ժամանակ: Փաշինեան նշած էր, որ խորհրդարանական արտահերթ ընտրութիւններու շուտափոյթ կայացման համար կը պատրաստուի հրաժարական տալ մինչեւ Հոկտեմբեր 16, այդ պարագային ընտրութիւնները տեղի կ’ունենան Դեկտեմբեր 9-ին կամ 10-ին:
