«ԶԱՐԹՕՆՔ», ՊԷՅՐՈՒԹ –Հայաստանի Հանրապետութեան նախագահ Արմէն Սարգսեան հրաժեշտի հանդիպում ունեցած է Հայաստանի Հանրապետութեան մէջ ԱՄՆ արտակարգ եւ լիազօր դեսպան Ռիչարտ Միլսի հետ, որ կ’աւարտէ դիւանագիտական առաքելութիւնը Հայաստանի մէջ:
Ինչպէս կը փոխանցէ «Արմէնփրես»ը, ՀՀ նախագահի աշխատակազմի հասարակայնութեան հետ կապերու վարչութենէն կը տեղեկացնեն, որ նախագահ Սարգսեան շնորհակալութիւն յայտնած է դեսպանին՝ պաշտօնավարման ընթացքին հայ-ամերիկեան յարաբերութիւններու ամրապնդման գործին մէջ ունեցած նշանակալի աւանդին համար եւ յաջողութիւններ մաղթած հետագայ գործունէութեան մէջ:
Դեսպան Միլսը ըսած է, որ մշտապէս կը մնայ Հայաստանի եւ հայ ժողովուրդի լաւ բարեկամ:
