«ԶԱՐԹՕՆՔ», ՊԷՅՐՈՒԹ – Չորեքշաբթի խորհրդարանի նախագահ Նապիհ Պըրրի օրէնսդրական երկօրեայ նիստի հրաւիրեց խորհրդարանը յառաջիկայ շաբաթ: Այս մասին յայտարարութեամբ մը հաղորդեց խորհրդարանը Պըրրիի գլխաւորութեամբ կայացած քարտուղարութեան հանդիպումէն ետք:
Յայտարարութիւնը նշեց, որ Պըրրի օրէնսդիրներէն խնդրած է ներկայ ըլլալ Սեպտեմբեր 24-25-ին՝ կ.ա. ժամը 11-ին, առաւօտեան եւ երեկոյեան նիստերու գումարման համար:
Պըրրի հետամուտ է գումարելու սոյն օրէնսդրական նիստը՝ վաւերացնելու համար շարք մը օրինագիծեր, որոնց հաւանութիւն տրուած է արդէն խորհրդարանական համատեղ յանձնաժողովներուն կողմէ:
Պըրրի Օրէնսդրական Նիստի Կը Հրաւիրէ Խորհրդարանը Յառաջիկայ Շաբաթ
