Թուրքիոյ Հաթայ նահանգի (պատմ. Ալեքսանտրեթ, Կիլիկիա) Պելէն շրջանին մէջ բացուած է «Լեռնային ղարաբաղ» անունը կրող զբօսայգի, իսկ պողոտաներէն մէկը վերանուանուած է Ատրպէյճանի պողոտայ, կը հաղորդէ «Էրմէնիհապեր»-ը։
Բացման արարողութեան ելոյթով հանդէս եկած Ատրպէյճանի խորհրդարանի պատգամաւոր, Թուրքիոյ մէջ հակահայկականութեան աշխոյժ քարոզիչ, հակահայկական ձեռնարկներու կազմակերպիչ Կանիրա Փաշաեւան:
Թուրքիոյ անվերապահ աջակցութիւնը ստանալու նպատակով տարիներ շարունակ Թուրքիոյ տարբեր նահանգներու մէջ հակահայկական ամբոխավարական յայտարարութիւններով յայտնի Փաշաեւան իր խօսքին մէջ մասնաւորապէս ըսած է.
«Թուրքիոյ թշնամին մեր թշնամին է, Ատրպէյճանի թշնամին ալ Թուրքիոյ թշնամին: Մեր ուժը Թուրքիոյ ուժն է, Թուրքիոյ ուժը՝ մեր ուժը: Լեռնային Ղարաբաղի հարցը միայն Ատրպէյճանի հարցը չէ: Որքան որ Ատրպէյճանի հարցն է, այնքան ալ Թուրքիոյ հարցն է»:
Փաշաեւան արտայայտած է այն միտքը, որ Թուրքիան նաեւ իրենց հայրենիքն է:
