«ԶԱՐԹՕՆՔ», ՊԷՅՐՈՒԹ – Սուրիոյ կառավարութեան հետ համագործակցաբար Լիբանանի Ընդհանուր անվտանգութեան կազմակերպած տունդարձի ծրագիրի ծիրէն ներս Երկուշաբթի 427 գաղթականներ վերադարձան Սուրիա:
Ըստ Ազգային լրատուական գործակալութեան՝ աւելի քան 200 գաղթականներ, որոնք մեծ մասամբ պիտի վերադառնային Սուրիոյ Ալեփփօ քաղաքը, հաւաքուեցան Քամիլ Շամուն մարզահամալիրին մէջ: Գաղթականները վերադարձան Մասնաա սահմանային անցակէտով Լեռնալիբանանի մէջ ՄԱԿ-ի գաղթականներու հարցերով գրասենեակի ղեկավար Լորա Ալմիրալի հսկողութեան ներքոյ: Այլ գաղթականներ վերադարձան Սուրի, Պուրճ Համուտի, Նապաթիէի եւ Թրիփոլիի շրջաններէն Ընդհանուր անվտանգութեան եւ լիբանանեան բանակի հսկողութեան ներքոյ:
