«ԶԱՐԹՕՆՔ», ՊԷՅՐՈՒԹ – Արտաքին գործոց նախարար Ժպրան Պասիլ Մոնրէալի մէջ Լիբանանեան Սփիւռքի ուժանիւթի Հիւսիսային Ամերիկայի երրորդ լիագումար նիստին կոչ ուղղեց արտերկիր բնակող լիբանանցիներուն պահանջելու իրենց լիբանանեան քաղաքացիութիւնը՝ որպէս Լիբանանը պահպանող եւ համախմբող կարեւոր քայլ:
«Ամենամեծ բանը, որ մեզ կը համախմբէ, ի մի բերէ, մեր լիբանանցի ըլլալու իրողութիւնն է»,- ըսաւ ան:
Պասիլ յայտնեց, որ բոլոր անոնք որոնք լիբանանեան արմատներ ունին, կրնան լիբանանեան քաղաքացիութիւն ստանալ «Ազգութեան պատկանելութեան վերականգնման մասին» օրէնքի միջոցով, ինչպէս նաեւ կապ հաստատելով դեսպանատուներուն հետ կամ նախագահական հրամանագիրով:
Պասիլ Կոչ Կ’ուղղէ Արտասահմանի Լիբանանցիներուն Լիբանանեան Քաղաքացիութիւն Պահանջելու
