«ԶԱՐԹՕՆՔ», ՊԷՅՐՈՒԹ – Ազրպէյճանի զինուժը Սեպտեմբեր 15-ի լոյս 16-ի գիշերը, ընդհանուր առմամբ, կրակ բացած է ոչ թէ Տաւուշի մարզի Կոթի գիւղի, այլ ՀՀ պաշտպանութեան նախարարութեան 3-րդ բանակային միաւորումի ուղղութեամբ։ Ազրպէյճանական կողմը կրակած է հիմնականօրէն հրաձգային զէնքերով, ինչպէս նաեւ մեծ՝ մինչեւ 12,7 մմ տրամաչափի հրաձգային զինատեսակներով։ Հայկական կողմը իր գործողութիւններով լռեցուցած է հակառակորդը։ Այս մասին «Արմէնփրես»-ի հետ զրոյցի ժամանակ նշեց ՀՀ պաշտպանութեան նախարարութեան մամուլի քարտուղար Արծրուն Յովհաննիսեանը։
Կէս գիշերին ազրպէյճանական կողմի 40 վայրկեան տեւած գնդակոծութեան հետեւանքով ոտքէն վիրաւորուած է Կոթիի բնակիչ Սուրէն Սեփխանեանը (ծնած՝ 1957-ին): Բարեբախտաբար կեանքին վտանգ չի սպառնար։
Ազրպէյճանական զինուժը Սեպտեմբեր 14-ին գնդակոծած էր Տաւուշի մարզի Չինարի գիւղը: «Արմէնփրես»-ի հետ զրոյցի ժամանակ Չինարի համայնքի ղեկավար Սամուէլ Սաղոյեանը յայտնած էր, որ Սեպտեմբեր 14-ի առաւօտեան ժամերէն լարուածութիւն է եղած է յենակէտերուն վրայ, այնուհետև 20:30-ից մէկ ժամ տեւողութեամբ կրակած են գիւղին ուղղութեամբ:
«Կը կրակէին մեծ տրամաչափի գնդացիրներէն: Երկու տուն թեթեւակի վնասուած է, առանձնակի բան չկայ: Սահմանին մինչեւ 00:30-01:00 շարունակած է լարուած մնալ, որմէ ետք մինչեւ այս պահը իրավիճակը հանգիստ է»,- մանրամասնած էր Սաղոյեանը:
