«ԶԱՐԹՕՆՔ», ՊԷՅՐՈՒԹ – ԵԱՀԿ խորհրդարանական վեհաժողովի նախագահ Կիորկի Ծերեթելիի գլխաւորած պատուիրակութիւնը ԵԱՀԿ ԽՎ-ի մէջ ՀՀ ԱԺ պատուիրակութեան ղեկավար Հերմինէ Նաղդալեանի ուղեկցութեամբ Սեպտեմբեր 12-ին այցելած է Ծիծեռնակաբերդի յուշահամալիր: Այս մասին, ինչպէս կը փոխանցէ «Արմէնփրես»-ը, կը տեղեկացնեն ՀՀ ԱԺ լրատուութեան եւ հանրային կապերու վարչութենէն:
Հիւրերը ծաղիկներ խոնարհած են 1915 թուականի Հայոց ցեղասպանութեան անմեղ զոհերու յիշատակը յաւերժացնող անմար կրակին մօտ եւ լռութեամբ յարգած սուրբ նահատակներու յիշատակը:
