Երկուշաբթի, 17. 06. 2024

spot_img

ԱԱԾ Տնօրէնի Եւ ՀՔԾ Պետի Հեռախօսազրոյցը Ձայնագրելու Եւ Զայն Տարածելու Դէպքին Հանգամանքները Պարզելու Նպատակով Քննութիւն Կը Տարուի

«ԶԱՐԹՕՆՔ», ՊԷՅՐՈՒԹ – ՀՀ քննչական կոմիտէին մէջ ստացուած եւ վարոյթ ընդունուած է ՀՀ ազգային անվտանգութեան ծառայութեան տնօրէն Արթուր Վանեցեանի եւ ՀՀ յատուկ քննչական ծառայութեան պետ Սասուն Խաչատրեանի միջեւ տեղի ունեցած հեռախօսազրոյցի գաղտնիութիւնը խախտելու՝ զայն ձայնագրելու եւ տարածելու դէպքին առթիւ ՀՀ գլխաւոր դատախազութեան մէջ ՀՀ քրէական օրէնսգիրքի 146-րդ յօդուածի  (նամակագրութեան, հեռախօսային խօսակցութիւններու, փոստային, հեռագրական կամ այլ հաղորդումներու գաղտնիութիւնը խախտելը) 1-ին մասի եւ 254-րդ յօդուածի (hամակարգչային տեղեկութեան ապօրինի տիրանալը) 3-րդ մասի 4-րդ կէտի յատկանիշներով յարուցուած քրէական գործը։ Այս մասին, ինչպէս կը փոխանցէ «Արմէնփրես»-ը, ՀՀ քննչական կոմիտէի գերատեսչութեան տեղեկատուութեան եւ հասարակայնութեան հետ կապերու բաժինէն:

ՀՀ ՔԿ նախագահին կողմէ նախաքննութեան կատարումը յանձնարարուած է ՀԿԳ քննութեան գլխաւոր վարչութեան։ Ստեղծուած է քննչական խումբ, եւ ռազմա-հետախուզական մարմիններու հետ համատեղ կը ձեռնարկուին անհրաժեշտ միջոցառումներու՝ դէպքի բոլոր հանգամանքները, ենթադրեալ յանցագործութիւն կատարած անձանց շրջանակը պարզելու ուղղութեամբ։

«Քննութեան շահերէն մեկնելով՝ այլ մանրամասնութիւններ քննութեան այս փուլին հրապարակման ենթակայ չեն» յայնած է նշեալ բաժինը։

spot_img

ՆՄԱՆ ՆԻՒԹԵՐ

spot_img
spot_img

ՎԵՐՋԻՆ ՅԱՒԵԼՈՒՄՆԵՐ

spot_img

Զօրակցիր Զարթօնք Օրաթերթին