Երկուշաբթի, 22. 04. 2024

spot_img

Փութին Քուէարկած Է Մոսկուայի Քաղաքապետի Ընտրութիւններուն

«ԶԱՐԹՕՆՔ», ՊԷՅՐՈՒԹ – Ռուսիոյ նախագահ Վլատիմիր Փութին մասնակցած է Մոսկուայի քաղաքապետի ընտրութիւններուն։

Քուէարկութենէն ետք Փութին լրագրողներուն ըսած է, թէ կ’ակնկալէ, որ Մոսկուայի կառավարման այժմեան ոճը կը պահպանուի նաեւ ապագային։

Ինչպէս կը փոխանցէ «Արմէնփրես»-ը՝ վկայակոչելով «ՏԱՍՍ»-ը, Փութին նաեւ նկատած է, որ որոշ խնդիրներու լուծումէն ետք կը գոյանան միւսները։ «Այդ մէկը անխուսափելի է, որովհետեւ կեանքը նորանոր խնդիրներ կը դնէ,- յայտարարած է ան։- Սակայն Մոսկուան կը զարգանայ լաւ թափով եւ լաւ որակով»։

Ռուսիոյ մէջ Սեպտեմբեր 9-ը քուէարկութեան օր էր. երկրի ամբողջ տարածքին նախատեսուած էին աւելի քան 4,7 հազար տարբեր ընտրութիւններ, այդ կարգին ` 59 տեղական հանրաքուէ: Դաշնութեան 22  շրջաններուն մէջ տեղի ունեցած են նահանգապետներու ընտրութիւններ, երեքին մէջ` տեղական խորհրդարաններու պատգամաւորները ընտրած են մարզերու ղեկավարներ: ՌԴ 16 շրջաններուն մէջ կայացած է տարածաշրջանային օրէնսդրական ժողովներու ընտրութիւնը, իսկ վեց տարածաշրջաններու եօթը ընտրատարածքներուն մէջ VII գումարման Պետական տումայի պատգամաւորներ ընտրութիւնը:

Քուէարկութիւնը տեղի ունեցած է Ռուսիոյ Դաշնութեան 85 մարզերէն 80-ին մէջ: Ընդհանուր առմամբ, պիտի փոխարինուին աւելի քան 31,4 հազար պատգամաւորական լիազօրութիւններու տէրեր եւ         ընտրովի պաշտօնեաներ:

Ընտրութիւններուն մասնակցած են 41 ռուսական կուսակցութիւններ եւ չորս հասարակական կազմակերպութիւններ:

 

spot_img

ՆՄԱՆ ՆԻՒԹԵՐ

spot_img
spot_img

ՎԵՐՋԻՆ ՅԱՒԵԼՈՒՄՆԵՐ

spot_img

Զօրակցիր Զարթօնք Օրաթերթին