Շաբաթ, 13. 04. 2024

spot_img

Եւրոպական Միութեան Աջակցութեամբ Լոռիի Մարզին Մէջ Բացուեցաւ Եւս 4 Նոր Ձեռնարկատիրութիւն

Լոռիի մարզի Վանաձոր, Ստեփանաւան եւ Ալավերդի քաղաքներուն մէջ Եւրոպական Միութեան աջակցութեամբ բացուեցաւ չորս նոր ձեռնարկատիրութիւն: Բոլոր ձեռնարկութիւնները իրենց գործունէութիւնը սկսած են Եւրոմիութեան եւ ՀՀ կառավարութեան համաֆինանսաւորմամբ «Հայաստանի Փոքր և միջին ձեռնարկատիրութեան զարգացման ազգային կեդրոն» (Հայաստանի ՓՄՁ ԶԱԿ)-ի եւ անոր գործընկերներուն կողմէ իրականացուող «Տարածաշրջանային ՓՄՁ-ներու մրցունակութեան խթանումը» ծրագրի ծիրէն ներս:

Apitourism եւ մեղուաբուժութիւնը (apitherapy) նորոյթ են Հայաստանի համար: Մեղուներու միջոցով բուժումներ իրականացնելու նպատակով Վիգէն Մնացականեան Ալավերդի քաղաքին մէջ հիմնեց իր գործըբ` ԱրմԲի-ն:

Վանաձորի մէջ բացուած «Գանձակ» արագ սնունդի եւ հացաթխելու վայրի սեփականատեր Ռուզաննա Հայրապետեան նոր գործը հիմնած է իր ընտանիքին պատկանող չգործող նախկին կահոյքի սրահին մէջ:

Արման Առաքելեանը Լոռիի մարզի Ստեփանաւան քաղաքին մէջ հիմնած է «Լոռէ» ՍՊԸ-ն, որ պիտի մատուցէ հիւրընկալութեան ծառայութիւններ` նախատեսուած եւ աշխոյժ, եւ կրաւորական հանգիստի սիրահարներու համար: Լոռէն աշխոյժ զբօսաշրջութեան սիրահարներուն պիտի առաջարկէ ոչ միայն արգելքներով պատ, այլեւ զիփլայն եւ այլ արկածային եւ ծայրայեղ (extremal) զբօսաշրջային ծառայութիւններ:

Իսկ նոյն Ստեփանաւանի մէջ բացուած եւս մէկ հիւրատան սեփականատէրն է Համլետ Թումասեանը: Ան ԵՄ աջակցութեամբ կազմակերպուած գործարար դասընթացքին մասնակցելէ ետք ստացած վարկային եւ դրամաշնորհային միջոցներով աւարտին հասցուցած է շինարարական եւ բարեկարգման աշխատանքները եւ ձեռք բերած անհրաժեշտ կահոյքը, նաեւ տեղադրած է փոքրիկ արեւային կայան: Համլէտը իր ընտանեկան հիւրատան մէջ պիտի առաջարկէ նաեւ պտոյտներ, հեծանիւային  արշաւներ, ձիավարութիւն եւ այլն:

Նշուած չորս նորաբաց Փոքր եւ միջին ձեռնարկութիւններն արդէն ստեղծած են ինը նոր աշխատատեղ, եւ առկայ է աւելացման միտում:

spot_img

ՆՄԱՆ ՆԻՒԹԵՐ

spot_img
spot_img

ՎԵՐՋԻՆ ՅԱՒԵԼՈՒՄՆԵՐ

spot_img

Զօրակցիր Զարթօնք Օրաթերթին