ՊԲ հիւսիսային ուղղութեամբ տեղակայուած զօրամասերէն մէկուն մէջ Սեպտեմբեր 2-ին` ժամը 21:00-ի սահմաններուն, տակաւին լրիւ չպարզուած հանգամանքներու մէջ (նախնական` ինքնասպանութիւն), մահացած է ՊԲ զինծառայող, 1996-ի ծնունդ Վանիկ Արթուր Գէորգեանը: Այս մասին, ինչպէս կը փոխանցէ «Արմէնփրես»-ը, կը տեղեկացնեն ԱՀ պաշտպանութեան նախարարութեան մամուլի ծառայութենէն:
Դէպքի մանրամասնութիւնները պարզելու համար կը կատարուի քննութիւն:
Արցախի Հանրապետութեան պաշտպանութեան նախարարութիւնը կը կիսէ կորստեան ծանր վիշտը եւ իր զօրակցութիւնը կը յայտնէ մահացած զինծառայողի ընտանիքի անդամներուն, հարազատներուն եւ ծառայակիցներուն:
