Երեքշաբթի, 25. 06. 2024

spot_img

Հարիրի Կ’արձագանգէ Կառավարութեան Կազմաւորման Երկարաձգման Կապակցութեամբ Յարուցուած Քննադատութիւններուն

«ԶԱՐԹՕՆՔ», ՊԷՅՐՈՒԹ – Վարչապետի պաշտօնակատար Սաատ Հարիրի Երեքշաբթի արձագանգեց այն յերիւրածոյ բամբասանքներուն, ըստ որոնց՝ մեծ հաւանականութիւն կայ վարչապետի պաշտօնանկութեան, եթէ վերջինս չկարենայ շուտով ի կատար ածել կառավարութեան կազմաւորումը: Վարչապետը ընդգծեց, որ ոչինչով կ’երաշխաւորուի կառավարութան կազմաւորման ժամկէտը՝ բացի սահմանադրութենէն: Այս մասին վարչապետը ըսաւ իր նստավայրին մէջ Մուսթաքպալ պլոքի հետ հանդիպումէն ետք:
Հարիրի դիտել տուաւ, որ կառավարութեան կազմաւորման երկարաձգման կարեւորագոյն մեխը կարգ մը կուսակցութեանց պահանջած ներկայացուցչութեան բաժնեմասն է նախարարաց նոր խորհուրդին մէջ»: Ան աւելցուց, որ ինքը եւ նախագահ Միշէլ Աունը Երեքշաբթի պայմանաւորուեցան հանդիպիլ, երբ Հարիրի զանազան կողմերու հետ յաւելեալ քննարկումներ ունենայ նախարարական պաշտօնատուութեան շուրջ:

spot_img

ՆՄԱՆ ՆԻՒԹԵՐ

spot_img
spot_img

ՎԵՐՋԻՆ ՅԱՒԵԼՈՒՄՆԵՐ

spot_img

Զօրակցիր Զարթօնք Օրաթերթին