Երեքշաբթի, 23. 04. 2024

spot_img

Եւրասիական Տնտեսական Յանձնաժողովը Աւարտած Է ԵԱՏՄ-ի Մէջ Դեղերու Միասնական Շուկայի Ձեւաւորումը

«ԶԱՐԹՕՆՔ», ՊԷՅՐՈՒԹ – Եւրասիական տնտեսական յանձնաժողովը աւարտած է Եւրասիական տնտեսական միութեան մէջ դեղերու միասնական շուկայի ձեւաւորումը:

Ինչպէս կը փոխանցէ «Արմէնփրես»-ը, Եւրասիական տնտեսական յանձնաժողովի մամուլի ծառայութենէն կը տեղեկացնեն, որ «Ռուսաստանն ու աշխարհը. դեղագործական շուկայի աճի ներուժի կառավարում» թեմայով գիտաժողովի ժամանակ այս մասին յայտնած է Եւրասիական տնտեսական յանձնաժողովի կանոնակարգման խորհուրդի անդամ (նախարար) Վալերի Քորեշքովը:

«Մենք կատարած ենք Եւրասիական տնտեսական միութեան ծիրէն ներս մեր առջեւ դրուած հիմնական խնդիրը` բնակչութեան եւ առողջապահութեան մասնագէտներուն հասանելի դարձնել անվտանգ, բարձրորակ եւ արդիւնաւէտ դեղամիջոցները: Իսկոյն յայտնեմ, որ շուտով պիտի ստեղծուի դեղերու միասնական շուկայի գործունէութեան իրաւական եւ տեղեկատուական համալիր»,-  գիտաժողովի մասնակիցներուն ըսած է ԵՏՀ նախարարը: 

Իր խօսքով` Միութեան տեղեկատուական համակարգի համալիր փորձարկումը յաջողութեամբ աւարտած է, որ նախատեսուած է ապահովելու դեղերու գրանցման բոլոր գործընթացները: ԵԱՏՄ երկիրներու լիազօր մարմինները ստուգած եւ հաստատած են մէկ ելեկտրոնային գրանցման հնարաւորութիւնը: 2018 թուականի Օգոստոսին Ղազախիստանի մէջ ընդունուած են, Միութեան կանոններու համաձայն, դեղերու գրանցման առաջին վեց յայտերը, իսկ երկուքը՝ Պելառուսի մէջ:

Վալերի Քորեշքովը նշած է, որ ամբողջովին մշակուած է տեսչական ստուգումներու իրականացումը Միութեան GMP կանոններուն համաձայն: Պելառուսի մէջ նման ստուգման կայացման առաջին երկու յայտերը ընդունուած են: Արտադրողը, որ պատրաստ է անցնելու համապատասխան ընթացակարգը, կրնայ դիմել ԵԱՏՄ անդամ որեւէ երկրի տեսչական մարմինին:

Միջոցառումի մասնակիցները քննարկած են GMP համակարգի ներդրումը Միութեան շուկային մէջ դեղագործական իւրաքանչիւր ձեռնարկութեան համար, ինչպէս նաեւ երկիրներու դեղագործական տեսուչներու կազմակերպման եւ փոխգործակցութեան հարցերը: «Այս խնդիրներուն յաջող լուծումը կ’ապահովէ մեր արտադրողներու մուտքը միջազգային շուկայ, կը բարձրացնէ դեղագործական արդիւնաբերութեան արտադրած դեղերու մրցունակութիւնը»,- ըսած է Վալերի Քորեշքովը:

Վերլուծական մեթոտներու վաւերացման միասնական մօտեցումներու շնորհիւ դեղերու որակի վերահսկման արդիւնքները պիտի ընդունուին Միութեան բոլոր վերահսկիչ աշխատանոցները:

Յանձնաժողովի եօթը յանձնարարականները կը սահմանեն ջրապատրաստման  եւ արտադրութեան գործընթացներու մօտեցումները, ինչը թոյլ կու տայ հաստատելու արտադրութեան գործընթացի կայունութիւնը՝ ըստ ընդհանուր սկզբունքներու եւ կանոններու:

Այսպիսով, բոլոր պայմանները ստեղծուած են անվտանգ, բարձրորակ եւ արդիւնաւէտ դեղամիջոցներու ազատ տեղաշարժի համար, որոնք կ’օգնեն պահպանելու առողջութիւնը ԵԱՏՄ-ի միլիոնաւոր քաղաքացիներուն:

 

 

 

 

spot_img

ՆՄԱՆ ՆԻՒԹԵՐ

spot_img
spot_img

ՎԵՐՋԻՆ ՅԱՒԵԼՈՒՄՆԵՐ

spot_img

Զօրակցիր Զարթօնք Օրաթերթին