«ԶԱՐԹՕՆՔ», ՊԷՅՐՈՒԹ – Զուիցերիա իր ամբողջական զօրակցութիւնը կը յայտնէ Լիբանանին սուրիացի գաղթականներու ճգնաժամի խնդրով: Այս մասին Երկուշաբթի նախագահ Միշէլ Աունի հետ մամլոյ համատեղ ասուլիսի ժամանակ ըսաւ Զուիցերիոյ նախագահ Ալան Պերսեթ:
«Մենք ականատես ենք սուրիացի գաղթականներու ճգնաժամին հետեւանքով Լիբանանի դիմագրաւած մարտահրաւէրներուն»,- ըսաւ Պերսեթ Պաապտայի նախագահական պալատին մէջ հեռասփռուող ասուլիսի ժամանակ: «Մենք հակուած ենք երկու երկիրներու բարեկամական յարաբերութիւններու խորացման»:
Նշենք, որ Զուիցերիա ներգրաւուած է Լիբանանի մէջ գաղթականներու կենսապայմաններու բարելաւման ուղղուած նախաձեռնութիւններու՝ որպէս տարածաշրջանային ռազմավարութեան մաս, որ կը ներառէ նաեւ Սուտանը եւ Իրաքը: Պերսեթ շեշտեց, որ իր երկիրը զօրակից է գաղթականներու կամաւոր ու ապահով տունդարձին, միմիայն այն ժամանակ, երբ վերադառնալու պարագաները որեւէ վտանգ չեն սպառնար գաղթականներուն:
