«ԶԱՐԹՕՆՔ», ՊԷՅՐՈՒԹ – Գերմանիոյ վարչապետ Անկելա Մերքել պաշտօնական այցով ժամանած է Ազրպէյճան: Ինչպէս կը փոխանցէ «Արմէնփրես»-ը՝ վկայակոչելով ազրպէյճանական լրատուամիջոցները, Գերմանիոյ վարչապետը դիմաւորած են փոխվարչապետ Եագուպ Էյուպովը, արտաքին գործոց փոխնախարար Խալաֆ Խալաֆովը եւ այլ պաշտօնատար անձինք:
Այնուհետեւ տեղի ունեցած է Ազրպէյճանի նախագահ Իլհամ Ալիեւի եւ Գերմանիոյ վարչապետ Անկելա Մերքելի պաշտօնական հանդիպումը:
Պաշտօնական հանդիպումի աւարտէն ետք Անկելա Մերքել եւ Իլհամ Ալիեւը հանդիպած են ընդլայնուած կազմով, ուր երկուստեք ելոյթ ունեցած են:
