Ռուսիոյ Պաշտպանութեան նախարարութիւնը յայտարարած է, որ Սուրիոյ հակամարտութեան ողջ ընթացքին եւ մինչեւ օրս Ռուսիա աւելի քան 63 հազար ռուս զինուորական ուղարկած է Սուրիա:
«Ֆրանսփրէս» լրատուական գործակալութեան փոխանցմամբ, նախարարութեան հրապարակած տեսագրութեան մէջ նշուած է, որ մինչեւ օրս 63,012 զինուորական ուղարկուած է Սուրիա, որոնցմէ 25,738-ը սպաներ եղած են, 434-ը՝ զօրավարներ, ինչպէս նաեւ 4329 ռազմագէտներ, որոնք բոլորն ալ պատերազմական մեծ փորձ ձեռք բերած են:
Նախարարութեան յայտարարութեան մէջ նշուած է նաեւ, որ ռուսական օդուժը 39 հազար օդային յարձակում գործելով աւելի քան 86 հազար զինեալ ահաբեկիչ սպանած է, եւ 121,466 ահաբեկչական թիրախ ոչնչացուցած:
Նշենք, որ տեսագրութեան մէջ անդրադարձ չէ կատարուած ռուսական կողմի կրած վնասներուն:
