Թուրք ճանապարհորդներ Ազիզ Քիւչուքն ու Միյասէ Փելին Թունչը թրքական gazeteduvar.com.tr կայքի իրենց սիւնակին մէջ կիսուած են դէպի Հայաստան իրենց ուղեւորութեան մասին տպաւորութիւններով:
Թուրք երիտասարդները նշած են, թէ Թուրքիոյ իւրաքանչիւր քաղաքացի, որ կ’այցելէ Հայաստան, պիտի համոզուի, որ հայերը զինք պիտի դիմաւորեն «ոչ թէ թշնամութեամբ ու մահակներով, այլ ձմերուկներով»:
Ազիզ անունով թուրք ճանապարհորդը հաճելիօրէն տպաւորուած է հայ մաքսաւորի «ազիզ ջան»-ով սկսող ողջոյնը, որմէ ետք ան հասկցած է` եկած են «ջաներու» երկիր:
Թուրքիայէն ժամանած ճանապարհորդները այցելած են Ծիծեռնակաբերդի բարձունք` Հայոց Ցեղասպանութեան զոհերու յիշատակը յարգելու:
«Իր հանգստութեամբ, երաժշտութեամբ ու անմար կրակով շատ ազդեցիկ վայր մըն է»,- կը նշեն յօդուածին հեղինակները, որոնց ուշադրութիւնը յատկապէս գրաւած է յուշահամալիրի մէջ չորցած ծաղիկները հաւաքող ու զբօսաշրջիկներու դրամական օգնութիւնները մերժող ծեր տատիկը:
Թուրք զբօսաշրջիկները այցելած են նաեւ Ֆիւմրի, Էջմիածին, Սեւան, Եղէգնաձոր, Դիլիջան, Քաջարան ու այլ վայրեր` ամբողջ ճանապարհը անցնելով միայն հեծանիւներով ու գիշերելով վրաններու մէջ:
