Փասատինայի Առաջին Հայկական եկեղեցին (1922), Հայ Կիլիկիա Աւետարանական եկեղեցւոյ Ընդհանուր Ժողովը տեղի ունեցաւ Կիրակի, 27 Մայիս 2018-ին եւ ընտրեց Վեր. Սերոբ Մկրտիչեանը՝ որպէս Եկեղեցիի նորընտիր Աւագ հովիւ` 1 Յուլիս 2018 թուականէն սկսեալ:
Վեր. Սերոբ Մկրտիչեան, նախապէս ծառայած է որպէս Հիւսիսային Ամերիկայի Հայ Աւետարանական Եկեղեցիներու Միութեան ծրագիրները համակարգող, Կլենտէյլ, Քալիֆորնիա (Փետրուար – Յուլիս 2018): Աւագ հովիւ, Թորոնթոյի Հայ Աւետարանական եկեղեցի (2016-2017), Քանատա: Աւագ հովիւ, Հալէպի Հայ Աւետարանական Էմմանուէլ եկեղեցի (1997-2015) Սուրիա եւ Աւագ հովիւ, Քեսապի Հայ Աւետարանական Սուրբ Երրորդութիւն եկեղեցի, Սուրիա (1995-1997):
Վեր. Մկրտիչեան ծնած է Քեսապ։ Ստացած է Մագիստրոս Աստուածաբանութեան տիտղոս, Պէյրութի Մերձաւոր Արեւելքի Աստուածաբանական ճեմարանէն, 1995-ին եւ ձեռնադրուած է Մերձաւոր Արեւելքի Հայ Աւետարանական Եկեղեցիներու Միութեան կողմէ, 1999 թուին:
Վեր. Մկրտիչեան, որպէս եկեղեցւոյ նորընտիր Աւագ հովիւ իր անդրանիկ պատգամը փոխանցեց Կիրակի, 8 Յուլիս 2018-ին։
Յիշենք, թէ Կիրակի օրուան պաշտամունքները տեղի կ՚ ունենան առաւօտեան ժամը 11: 00-ին։
Վեր. Սերոբ Մկրտիչեանի պաշտօնակոչութեան Պաշտամունքը տեղի պիտի ունենայ Կիրակի, 21 Հոկտեմբեր 2018-ին, կ.ե. ժամը 5:00-ին։ Հասցէ՝
Հայ Կիլիկիա Աւետարանական եկեղեցի
339 S. Santa Anita Ave.
Pasadena, CA 91107
Շնորհաւորութիւն եւ հիւրասիրութիւն՝ Պաշտամունքէն անմիջապէս ետք, եկեղեցւոյ Տէրեան սրահէն ներս։
ՀԱՅ ԿԻԼԻԿԻԱ ԱՒԵՏԱՐԱՆԱԿԱՆ
ԵԿԵՂԵՑՒՈՅ ՎԱՐՉՈՒԹԻՒՆ
