«ԶԱՐԹՕՆՔ», ՊԷՅՐՈՒԹ: Հայաստանի Հանրապետութեան Ազգային ժողովի նախագահի տեղակալ Էդուարդ Շարմազանով Օգոստոս 7-ին ընդունած է ՀՀ-ի մէջ ՌԴ արտակարգ եւ լիազօր դեսպան Սերկէյ Քոփիրքինը: Հանդիպումինը նթացքին կողմերը քննարկածեն հայ-ռուսական յարաբերութիւններուն առնչուող հարցեր:
Ինչպէս կը փոխանց է «Արմէնփրես»-ը, ՀՀ Ազգային ժողովի լրատուութեան եւ հանրութեան հետ կապերու վարչութենէն կը տեղեկացնեն, որ խորհրդարանի փոխնախագահը կարեւորած է երկու երկիրներու դաշնակցային յարաբերութիւններու զարգացման անհրաժեշտութիւնը տնտեսական, քաղաքական, մարդասիրական, ռազմական եւ մշակութային ոլորտներուն մէջ: Այդթեմայի լոյսին տակ յատուկ անդրադարձ կատարուած է միջխորհրդարանական փոխգործակցութեան:
Զրուցակիցները կարեւորած են յարաբերութիւններու խորացումը ինչպէս երկկողմ, այնպէս ալ Հաւաքական անվտանգութեան պայմանագիրի կազմակերպութեան եւ Եւրասիական տնտեսական միութեանծիրին մէջ:
Հանդիպումին ընթացքին անդրադարձ կատարուած է նաեւ տարածաշրջանային հակամարտութիւններուն, ընդգծուած է մասնաւորապէս Լեռնային Ղարաբաղի հիմնահարցի բացառապէս խաղաղ կարգաւորումը` ԵԱՀԿ Մինսքի խումբի համանախագահութեան ծիրին մէջ:
