«ԶԱՐԹՕՆՔ», ՊԷՅՐՈՒԹ: Խորհրդարանի նախագահ Նապիհ Պըրրի Երկուշաբթի հրապարակուած մեկնաբանութիւններու մէջ ըսաւ, որ ստոյգ պատասխան չունի, թէ ինչո՛ւ տակաւին կ’երկարաձգուի նախարարաց խորհուրդի կազմաւորումը:
«Երբ հարցնենք, կ’ըսեն, որ այս հարցի գծով առկայ է դրական մթնոլորտ, սակայն, ցաւօք, գործնական գետնի վրայ այդ բանը չենք զգար մենք»,- «Ալ Ժումհուրիա» թերթը մէջբերած է Պըրրիի խօսքը:
«Թէ ինչո՛ւ, ապա կ’ուզեմ յստակացնել, որ անոր պատասխանը ես չունիմ»:
Պըրրի հաղորդեց թերթին, որ պարզ չէ մաշտաբը այն բարդութիւններուն, զորս կը խոչընդոտեն նոր կառավարութեան կազմաւորումը: «Անգամ մը եւս կը շեշտենք, որ Լիբանանի տնտեսական ներկայ կարիքները կը ստիպեն, որ այս անել կացութիւնը հնարաւորինս շուտ հանգուցալուծուի նպատակայարմար եւ միահամուռ ջանքերով՝ ի կատար ածելու համար նոր կառավարութեան ձեւաւորումը»:
