«ԶԱՐԹՕՆՔ», ՊԷՅՐՈՒԹ: ԱՄՆ-ը մտադիր է Թեհրանի դէմ սահմանել շատ աւելի խիստ պատժամիջոցներ, քան եղած են մինչ Իրանի միջուկային ծրագիրին շուրջ միջազգային համաձայնութեան ձեռքբերումը: Ինչպէս կը հաղորդէ «Արմէնփրես»-ը՝ յղում կատարելով «Interfax»-ին, այս մասին յայտարարած է ԱՄՆ պետական քարտուղար Մայք Փոմփէօն:
«ԱՄՆ-ը կը պատրաստուի աւելի խստացնել պատժամիջոցները»,- ըսած է Մայք Փոմփէօն: Ան նշած է, որ պատժամիջոցները կը սահմանուին ի պատասխան Իրանի ղեկավարութեան «չարամիտ գործողութիւններուն»:
Օգոստոս 6-ին կը լրանայ ժամկէտը, երբ ԱՄՆ-ը պէտք է վերականգնէ Իրանի դէմ պատժամիջոցներու մէկ մասը:
